MERYENDANG PINOY

Tangkilikin ang tunay na lasang Pinoy. Iba na ang moda ngayon.  Naghahanap na ng ibang puwedeng ihain para sa kakaibang panlasa. Hindi masisisi ang tao dahil gawa ang pagbabago ng nagbabagong panahon at pananaw. Ika nga, may inobasyong alinsunod sa panahon.
Iniaakma ang panlasa sa aspeto ng negosyo na sumusulpot at nasasalin sa kamalayan ng mga parukyano. Natatabunan ang mga simpleng pagkaing Pinoy dahil sa komersyalismo ng mga batang banyaga na umaakma sa lokal na panlasa.
Gayunman, hindi mawawala ang pagtalima sa patritismo na nananatiling nakatayo para Isalba ang kinagisnang pagkaing meryenda.

BENEPISYO NG LUYA

Maraming gamit ang luya. Pampasarap sa pagkain, pampalasa at pampabango sa niluluto.
Ngunit, higit sa lahat,  may malaking kontribusyon ito sa kalusugan at kagalingan ng katawan.
Alam nyo ba na hindi lang ang bunga o ugat ng luya ang maaaring gawing halamang gamot? Ang dahon ay ipinantatapal sa ilang kondisyon para maibsan ang pakiramdam. Dikdikin o durugin ang mga dahon bago gamitin.

Kung may PASA sa katawan ay tapalan ng dinikdik na dahon ng luya ang apektadong bahagi ng katawan.

ANG SALABAT

Ang tsaa mula sa pinakuluang bungang-ugat ay tinatawag na SALABAT. Nakagawian na gawing pampainit sa umaga noon pa man. Nilalagyan ng asukal at harinang bigas na binilog para sa  Olog-olog na masarap na meryenda at babalingan tuwing simbang gabi kapag pasko.
Mabisa palang gamot ang salabat sa mga sakit at kondisyon. Mabisa ito sa ubo at  pananakit ng sikmura, pananakit ng lalamunan...at pampainit.
Sa mga malat, paos o wala nang boses dahil siguro napasma, ang salabat ay remedyo sa kondisyong ito.
Mabenta ang luya at may mga gumagawa ng luya powder kaya may instant salabat na tulad ng kapeng 3-in-1.
Makakatulong kasi ang pag-inom ng salabat para mawala ang BAD BREATH. Sa pag-aaral, ang luya ay may gingerol. Ito ang kemikal na nagbibigay ng maanghang na lasa ng luya. Pinasisigla nito ang ensima na sumisira sa mga elementong sanhi ng pagbaho ng hininga.
Sa mga may rayuma o sa nakakaramdam ng sintomas ng sinasabing sakit ng matanda, kahit medyo bata pa ay inaatake na rin ngayon, ay maiging gamitin ang bunga ng luya. DIKDIKIN ang bungang-ugat at pahiran ng langis. Itapal ito sa apektadong bahagi.
Masakit ng ulo? Itapal ang dinurog na luya sa noo at sentido.

BATA, BATA BA'T KA GINAWA?

BATA BATA BA'T KA GINAWA?

Kaligayahan, saya, inspirasyon at pagbubuklod ang ilan sa nahuhubog sa bata.
Ngunit, marami ang larawan at eksena na magkakaiba ang pagganap.
Mapalad ang ibang bata na busog sa aruga, sapat sa pangangailangan at hindi humahapdi ang sikmura ngunit paano ang mga batang hindi maibigay ang mahalagang sangkap ng buhay.
Hindi mabilang ang  mga bata na umaamot ng kalinga na hindi maibigay nang buo ng mga magulang dahil sa kahirapan, o sa kawalan ng sapat na panahon upang ipadama.
May mga bata na salat sa pagmamahal, kapos sa aral at pag-unawa. Hindi ito binabalewala. Minsan lang ang guhit ng takbo ng pagkabata.
May mga dapat gawin.
May mga dapat unahin.
Kung ang puso ng bawat isa ay marunong tumingin sa mga dapat kalingain at bigyan ng gabay para maging matwid and kanilang kinabukasan..
Kung may mga maunawain na naaantig ang puso at damdamin.
Ito na ang pagkakataon.
Buksan natin ang ating mga puso.
Magmahal at tumulong.
Kailangan pa bang itugma sa okasyon ang damdaming ipagkakaloob sa kanila? Hihintahin pa ba ang Pasko upang ipakita ang anumang ekstensyon ng emosyon sa mga bata?
Minsan din lang ang Pasko, ngunit ang diwa nito ay walang pinipiling petsa sa kalendaryo.

Nothing Else Matters by Santa Esmeralda

Kahit Konting Awa

Nora Aunor - "Ako ang Iyong Inay" by Ringgo Marquez at 1993 MIFF

Yesterday When I Was Young - Shirley Bassey (Lyrics)