KANYA-KANYANG ENTABLADO

https://m.facebook.com/story.php?story_fbid=1935628023149441&id=100001067867321

BUHAY, MATAMIS. MINSAN MAASIM

TAMIS-ASIM NG BUHAY

Sabi nila ang buhay ay parang isang mangga.
Minsan maasim, minsan matamis.
Ang buhay na puno ng pagsubok, kasawian, ay maituturing na maasim habang ang buhay na puno ng saya at tagumpay ay matamis kaya nga merong expression na tamis ng tagumpay.
Masarap ang manggang hinog lalo na kung hindi hinog sa pilit. Ang linamnam at tamis ay talaga namang mapang-akit.
Ang manibalang naman ay naroon ang nag-aagaw na lasa ng asim at tamis.
Pero ang manggang maasim ay maaari ring sumarap kung ito ay isasawsaw sa bagoong. Minsan, toyo na may sili. Sa iba naman, asin lang perfect na ang manggang hilaw.
Tulad ng mangga, ang buhay na puno ng pagsubok at kabiguan ay maaari ring sumarap kung mayroon kang sawsawan na tatama sa iyong panlasa.
Hindi laging masaya at exciting ang buhay dahil kasama sa sangkap nito ang mga problema at bagabag na hatid sa pang-araw-araw na daloy nito.
Anoman ang sitwasyon sa kasalukuyan ito ay lilipas din. Kaya kung masaya, i-enjoy, sabi nga, cherish every moment. Para sakali at agad dumating ang panahon ng kalungkutan, may mga alaala kang paghuhugutan ng pag-asa.

KUTITAP NG PASKO

Dampa man sa panigin

O kubo kung ituring 

Sa simpleng gayak 

Na kumukuti-kutitap

Diwa ng pasko malalanghap

Rangya ay wala

Kinang ay sapat

Pasko di kompetisyon

Basta meron 

Wala nang kwestyon

IS SANTA CLAUS REAL?

Simbolo si Santa Claus na Christmas.

Isa nang kultura ng Kristiyanismo ang  tinatawag ding St Nicholas o Kris Kringle.

Pinaniniwalaan ng mga bata na sila ay bibigyan ng regalo tuwing Pasko kung sila ay magiging magiging mabait. 

Magsasabit sila ng medyas at naniniwalang paggising ay may laman ng itong regalo mula kay Santa. 

Ito ang kinagisnan nilang paniniwala ayon na rin sa ikinukuwento sa kanila ng mga nakatatanda. 

Magkasalungat ang pananaw ng mga tao kung dapat na panatilihin sa kamalayan ng mga bata na totoo si  Santa.

May pabor na iwagsi sa paniniwala ng bata na totoo si Santa. 

Si Santa at simbolo lang ng pagmamahal ng magulang at iba sa isang bata at ang isang paraan ng pagmamahal at ang pagbibigay ng regalo tuwing pasko. 

Habang musmos pa ay dapat umano na maunawaan na ng bata kung ano SINASALA Santa tuwing Christmas.

Sa isang banda,  naniniwala amg iba na huwag alisin sa mundo ng kamusmusan ang paniniwala dahil ibang magic ang hatid ng Christmas.

Hayaan na ang bata sa mundo ng pantasya dahil ito ang yugto ng pagkabata.

Malalagpasan din nila ang yugto nang walang pagsisisi kung bakit sa kanilang kamusmusan ay maniwala silang may Santa.

Ang dahilan, paniniwala at desisyon tungkol sa usaping Santa ay dapat respetuhin. 

Hangad lang natin na ipagdiwang ang pasko ayon sa nais nating direksyon at interpretasyon na sukatan ng lipos na ligaya.