MAMA IS COMING HOME

MASAKIT sa isang ina na mawalay sa kanyang mga anak lalo na sa kanilang kamusmusan-ang panahon na higit nilang kailangan ang kalinga ng isang ina.
Pero sa panahon ngayon na laganap ang kahirapan, titiiisin ng isang magulang na mawalay sa kanyang mga anak kaysa makita silang nagugutom o nagkakasakit ngunit hindi niya maipagamot.Sa bayan ng Isabela sa Negros Occidental, isang ginang na tinukoy ng mga awtoridad sa alyas na Maureen (upang mapangalagaan ang kapakanan ng kanyang mga menor-de-edad pang anak) ang nangarap din ng maginhawang buhay para sa mga anak. Maliit ang kinikita ng kanyang asawa at wala itong ibang alam na paraan para umangat ang kanilang buhay kaya nagpasyang mangibang bayan ang ginang pero mapait ang karanasang sinapit sa kanyang pagbabalik.
Base sa inisyal na pagsisiyasat ng pulisya ng Isabela, nito lamang nakalipas na Biyernes umuwi si Maureen mula sa Middle East.
Diumano, tutol ang mister ni Maureen na si alyas Jessie sa kanyang pag-a-abroad. Duda kasi ito na matutulad ang misis sa iba na nang matapos ang kontrata ay hindi na umuwi dahil may bago nang karelasyon.
Pero dahil desidido si Maureen na baguhin ang takbo ng pamumuhay nila ay itinuloy nito ang desisyong umalis. Tutol man ang asawa.
Dahil sa hindi nila pagkakaintindihan ng mister, sa halip na dumiretso sa kanilang bahay ay sa bahay ng mga magulang siya tumuloy.
Nakarating kay Jessie ang balita na bumalik na sa bansa ang misis pero hindi ito umuwi sa kanila bagay na lalo niyang ipinagngitngit.
Kamakalawa, pinuntahan ni Maureen ang kanilang bahay para bisitahin ang mga anak at ibigay sa mga ito ang kanyang pasalubong.
Sinalubong siya ng galit na galit na mister kasunod ang malutong na sampal.
Nagtalo ang mga ito. Nagsumbatan.Sa isang iglap, may hawak nang patalim si Jessie.
Puno ng galit, hinanakit at selos, itinarak ni Jessie sa katawan ng asawa ang patalim.
Binawian ng buhay si Maureen bago pa madala ng mga nagmalasakit na kapitbahay sa ospital.
Ni hindi niya nagawang mayakap ang mga anak. O makumusta ang mga ito.
Ang pangarap na binuo niya sa dalawang taong pagpapakahirap sa ibang bayan ay hindi na niya mabibigyang katuparan.
Hindi na rin niya mapupunan ang mga pagkukulang sa mga anak. Lalaki silang wala nang ina at wala ring kakalingang ama dahil sa sandaling mahuli ito ng mga awtoridad ay lilitisin ito para pagbayaran ang nagawang krimen.

HOTDOG, PASIMUNO NG MANILA SOUND

Vctto

HOTDOG. PASIMUNO NG MANILA SOUND

Nagdedeliryo na noon ang musikang Pinoy dahil dinodomina ng banyagang musika ang lokal na music industry. 

Ang mga local artist ay bumaling sa imitasyon sa tono ng mga banyaga upang hindi mawala sa industriya.

Dito sumulpot ang bandang Hotdog at pinangunahan ang Manila Sound.

Isinilang ang Original Pilipino Music (OPM)  na kinalugdan ng mga Pinoy buhat sa lahat ng antas sa sosyedad.

Ang rebolusyong ginawa ng Hotdog ay presko at tunay na pumukaw sa damdamin at kamalayan ng mga Pinoy na tangkilikin ang sariling mga kanta.

Istilo ng Hotdog ang Taglish na lyrics at may salamangka itong gumayuma sa madla.

Taong 1972 nang mabuo ang Hotdog 

Naging patok ang banda na binuo noon ng magkapatid na Dennis at Rene Garcia,  Ella del Rosario,  Ramon Torralba,  Lorrie Ilustre, Jess Garcia at Roy Diaz de Rivera.

Ang ilan sa mga sumunod na miyembro ng pamosong Hotdog ay sina Zsa Zsa Padilla, Odette Quesada at Gina Montes.

Pumailanlang nang husto ang banda na nagbigay ng presko,  nakahahalinang liriko at  tumugon sa sentyimento ng mga Pinoy.

Ano ang mga awiting pinasikat ng Hotdog at kinagiliwan ng mga FIlipino? 

MANILA SOUND

Vctto

Tinawag itong pinakamaliwanag na bahagi ng panahon ng martial law kung saan nangibabaw ang takot ng mga tao.

Dekada 70  nang sumulpot ang bagong uri ng musika na tinawag na Manila Sound.

Hindi kumukupas ang mga kantang ito at hanggang ngayon ay kinagigiliwan ng music lover na hindi pa isinisilang nang umusbong ang mga kantang nanguna sa mga orihinal9 na Pinoy music.

Kabilang dito ang mga kantang folk, rock n roll,  kundiman,  jazz,  disco at funk.

Kabilang sa mga singer na naging parte at may malaking ambag sa Manila sound at ang bandang Hotdog, VST & Co.., Apo Hiking Society,  Cinderella,  Juan Dela Cruz band,  The Boyfriends, Rico Puno, Rey Valera, atbp. 

Ngunit ang Hotdog ang nagpasimuno at ngpasikat ng mga kantang Manila Sound.

Hindi natin makalilimutan ang "Ikaw ang Miss Universe ng Buhay ko" na malaking hit noong 1970s.

Baguhan pa lang ang Hotdog nang panahong iyon ngunit kinanta nila ang Ikaw ang Miss Universe ng Buhay ko sa 1974 Miss Universe na ginanap sa bansa kung saan nagwagi ang Espanyol na si Amparo Munoz.

EMPTY CHAIR

Empty chair doesn't mean lonelines.
In some cases,  we associate loneliness to a thing or mark bearing solitude and soliloquies.
A man or woman who preferrs to be alone is deemed branded as lonely.
That's the yardstick of loneliness maybe for some who associate happiness and joy with a always an in to the merriment.

TANGKILIKIN ANG SARILING ATIN

Tangkilikin ang sariling atin.
Parte na lang ba ng kultura ang mga likas na gawa ng mga Pinoy na noon ay native products ang gamit?
Pansinin nyo. Ang mga sumbrerong buri na gamit ng mga bata sa pagpasok sa eskuwela ay makikita na lamang na suot ng magsasaka sa paglilinang ng lupain at taniman.
Sa mga kulturang aktibidad at kasayahan na lang ginagamit ang sumbrero bilang bahagi ng disenyo ng anyo ng isusuot.
Pang okasyon na lang.
Dekorasyon.
Hindi na mahalagang gamit o pandong sa init at ulan.

LOVE IS...

love is a scenic spot.
You hold and gasp your breath
when you take a shot

Kinikilig ang inlab at tingin niya sa daigdig ay paraiso ng walang kapantay na pagtampisaw sa kaligayahan
Ang simple at ordinaryo ay pantastik at ang feeling ay heaven.
Magandang landscape, makulay at nakamamanghang kalikasan na nasusulyapan ng mga matang kahit araw ay starry-eyed na mailalarawan.

TOUCHING XMAS WISH NG ISANG BATA

Nakita ko ang bata na naglalaro ng eroplanong papel. 

Paghanga na may halong  awa ang naramdaman ko para sa kanya.

Minsan ay sumusulyap siya sa ibang bata na naglalaro ng gun toys.

Wala akong makitang inggit sa kanyang mga sulyap.

Tinanong ko siya kung masaya na siya sa laruang papel.

Madamdaming opo ang  kanyang tugon.

Huminto siya sa paglalaro at tila pinakikinggan ang tugtog sa radyo. Christmas song.

Lumamlam ang kanyang mga mata.

Naalala raw niya ang kanyang nanay at wish niya umuwi ito sa pasko.

Kasambahay sa Maynila ang kanyang ina habang trike driver ang kanyang ama.

Kulang ang kinikita as pamamasada kaya upang makatulong ay nagpasiya ang ina na mamasukan kahit mawalay sa kanyang mga anak.

Siya ang gumawa ng eroplanong papel na itinuro ng kanyang Kuya.

Bike daw ang gusto niyang bilhin sa kanya sa pasko ngunit kahit wala raw dala ang kanyang nanay ay hindi siya magtatampo dahil ang pinaka-wish niya ay makapiling nila ang kanilang ina at sama-sama silang pamilya sa pasko.

Nariyan naman daw si Santa Claus na kahit anong regalo ibigay sa kanya ay masaya na siya. 

THE MONTHS OF BER

Why do we put much emphasis on months ending with ber?

For some, these months revive their hope and faith to have better life.

Some are just plain believer that they'll have a different stride.

More reasons. So many dreams and interpretations.

Life should not be in consonance with calendar.

It's only a paper reminding us of days and must not be yardstick to what we must do.

Every day is a chance to grow, change and revival.

We are just being touched by the breeze and spirit.

But these months really have so much to give people a brighter side of life and escalate their joy.