DAGDAG-SAHOD ng gov’t workers epektib sa Enero 2018

Tiyak na happy ang bagong taon ng mga empleyado ng pamahalaan.

Inianunsyo kahapon ng Department of Budget and Management (DBM) ang magandang balitang bubungad sa mga kawani ng pamahalaan sa pagpasok ng 2018.

Sa balita ng DBM, asahan ang pagtataas sa sahod ng mga government workers sa pagpapatupad ng ikatlong tranche ng Salary Standardization Law of 2015.

Aabot sa P24 billion ang inilaan para sa government employees salary increase na nakapaloob sa 2018 proposed budget.

Nasa1.2 milyon na mga empleyado ng pamahalaan ang makikinabang sa third tranche ng salary hike.

Saklaw ng compensation increase ang mga nagtatrabaho sa Executive, Legislative at nasa Judiciary, gayundin ang mga state universities and colleges (SUCs).

Kabilang sa makikinabang rito si Pangulong Rodrigo Duterte na mula sa kasalukuyang P222,270.00, magiging P298,083.00 na ang buwanang sahod mula January 2018.