SINIGURO ni Manila
Mayor Joseph “Erap” Estrada na ligtas sa banta ng mga terorista ang lungsod,
pati ng mga umano’y foreign jihadists na ayon sa bali-balita ay nakapasok ng
bansa kamakailan.
Gayunpaman, sinabi ni
Estrada na pinanatili pa rin niyang nakaalerto ang buong pwersa ng Manila
Police District (MPD) upang pangalagaan ang seguridad ng lungsod at ng 1.7
milyong residente nito.
“In so far as Manila’s
concerned, we have no confirmation of sightings of foreigners who are
suspected to be ISIS members,” pagtitiyak ni Estrada matapos ang pag-uulat ni
MPD director Chief Supt. Joel Coronel.
Ayon kay Estrada,
patuloy ang pakikipag-ugnayan ng City Hall at lokal na pulisya sa mga lider ng
tatlong Muslim communities sa Maynila – sa Quiapo, Sta. Mesa, at Baseco
Compound.
May kasunduan ang
lokal na pamahalaan sa mga religious at barangay leaders ng mga Muslim
communities na ito kung saan agad nilang ire-report sa otoridad ang sinumang
mga bagong salta na kahina-hinalang kilos sa kanilang mga komunidad.
Sa isang panayam,
kinumpirma ni Coronel na “secured and safe” ang Maynila.
“We are working
closely, number one with our Muslim communities, especially in the Golden
Mosque, Quiapo, and other communities, in Baseco and Sta. Mesa,” ani
Coronel.
“So far, we have no
sightings. So far there’s no threat regarding this matter,” the dagdag pa niya.
Patuloy rin aniya ang
pakikipagtulungan ng MPD sa NICA (National Intelligence Coordinating
Agency), ISAFP (Intelligence Service of the Armed Forces of the
Philippines), at PNP-IG (Philippine National Police Intelligence Group).
Una nang naiulat na
may 100 foreign jihadists ang nakapasok sa bansa matapos ang pagsasanay nila sa
Indonesia.
Ayon sa ulat,
nakapasok ang mga dayuhang teroristang ito sa kasagsagan ng digmaan sa Marawi
upang tulungan ang kanilang mga kasamahan.
Tinanggi ni Armed
Forces of the Philippines (AFP) spokesperson Major General Restituto Padilla
ang balitang ito.
Aniya, walo lang at
hindi 100 terorista ang kanilang minamatyagan matapos makalusot sa Mindanao at
ngayo’y sumapi na sa Bangsamoro Islamic Freedom Fighters (BIFF).
For more news updates and public service announcements, please
like and follow Mayor Estrada’s official Facebook fan page Manila
Mayor Joseph Estrada https://www.facebook.com/mayorjosephestrada/
No comments:
Post a Comment