Ipinatapon na ng Bureau of
Immigration ang 45 South Koreans, sakay ng isang chartered flight.
Sinabi ni Immigration Deputy Commissioner Toby Javier
na nakatanggap sila ng hiling mula sa South Korean government na hulihin ang 45
South Koreans na dnahaharap sa iba’t ibang kaso sa kanilang bansa.
Karamihan aniya sa kaso ng mga puganteng South Koreans ay mga
cyber crimes, partikular na ang voice phising, online estafa at economic fraud.
Ang 45 pugante ay sinundo ng mahigit 100 Korean
police na tauhan ng Interpol at International Crime Unit.
Napag-alaman din na umarkila pa ang otoridad ng isang Jeju Air
plane mula sa South Korea para sunduin ang mga pugante nilang kababayan.
Nilinaw naman ni Atty. Arvin Santos, chief ng Legal Division ng
Immigration Bureau, dahil sa dami ng mga turistang Koreano na bumibisita sa
Pilipinas kaya’t kailangan na marami ring South Korean police officer ang
magtungo sa bansa.
Sinabi pa nina Javier at Santos na ihahatid nila sa South Korea
ang mga hinuli nilang pugante para na rin makipag usap sa kanilang mga
counterparts hinggil sa mga paraan na maiwasan na ang pagtatago ng mga tinutugis
ng batas na Koreans dito sa Pilipinas.
No comments:
Post a Comment