ITATALAGA ni Pangulong Rodrigo Duterte si outgoing Philippines
National Police (PNP) Chief General Ronald “Bato” Dela Rosa sa Bureau of
Corrections (BoC).
Kinumpirma ito ni Duterte sa Christmas party ng Malacañang Press Corps.
Sa gitna na rin ito ng una nang napaulat na magreretiro ang PNP
chief bago pa man nito maabot ang kanyang mandatory retirement age na 56 sa
January 21 sa susunod na taon.
Inaasahang papalit sa kanya si
Deputy Director General Ramon Apolinario, second-in-command ng PNP.
Hindi naman sinabi ni Pangulong Duterte kung kailan niya itatalaga
si Gen. Dela Rosa bilang bagong pinuno ng BuCor.
Sinabi ni Dela Rosa na kanyang tinanggap ang alok dahil nakikita
niya itong paraan para makatulong sa bansa.
Nauna ring sinabi ni Dela Rosa na bibigyan siya ng Pangulo ng
pinakamatinding hamon na posisyon sa gobyerno, kung saan karamihan ay nabigo.
Sa ngayon, officer-in-charge ng BuCor matapos maghain ng kanyang
irrevocable resignation si dating Director General Benjamin Delos Santos noong
Hulyo 13 dahil sa aniya’y muling pamamayagpag ng droga sa New Bilibid Prisons.
Ang bureau ay pinamumunuan ngayon
ni retired Chief Supt. Valfrie Tabian.
No comments:
Post a Comment