Food packs, naihanda na sa pananalasa ni ‘Urduja’ – DSWD

Pinakilos na ng Department of Social Welfare and Development (DSWD) ang disaster response cluster bilang paghahanda sa bagyong Urduja na nananalasa sa Samar.

Ayon kay DSWD officer-in-charge Emmanuel Leyco, may nakaantabay nang 368,000 na family food packs na nagkakalahaga ng P223 million.

May mga food at non-food items  din na nagkakahalaga ng P393 million ang naka-standby pa.

Maliban dito, sinabi  ni Leyco na mayroon ding nakaantabay na P245 million pondo sa Central Office at sa mga Field Offices na agad na ipalalabas sakaling kailanganin na.

Patuloy aniyang minamatyagan ng DSWD ang lagay ng bagyong Urduja at sa mga mamamayang apektado.